There are no items in your cart
Add More
Add More
| Item Details | Price | ||
|---|---|---|---|
పరిచయం:
సుమారు క్రీ.పూ 1000 వ నాటికి ఇనుము (కృష్ణ ఆయస్) కనుగొనబడడంతో తొలివేద కాలం పూర్తయి భారత చరిత్ర మలివేద కాలానికి అడుగులు వేసింది. ఈ చారిత్రక ఆవిష్కరణ కారణంగా సమాజం, ఆర్థిక వ్యవస్థ, పాలన మొదలైన విషయాల్లో పెను మార్పులు చోటు చేసుకున్నాయి.
విషయం:
సమాజంలో వచ్చిన మార్పులు:
| విషయం |
తొలివేద కాలం (ఋగ్వేద కాలం) |
మలివేద కాలం |
| వర్ణ వ్యవస్థ |
సమ సమాజ లక్షణాలతో భేదభావం తక్కువగా ఉండేది. వర్ణ అసమానతలు కఠినంగా అమలు అయ్యేవి కావు. |
వర్ణవ్యవస్థ కఠినంగా మారింది. బ్రాహ్మణులు, క్షత్రియులు గౌరవింపబడేవారు. శూద్రులపై వివక్ష ఉండేది. |
| స్త్రీల స్థానం | స్త్రీలకు సముచిత స్థానం ఉండేది. చదువుకోడానికి, సభలు-సమితుల్లో పాల్గొనడానికి అవకాశం ఉండేది. ఉదాహరణలు: గార్గి, మైత్రేయి | సమాజం లో స్త్రీల స్థానం దిగజారింది. బాల్య వివాహాలు, సతీసహగమనం లాంటి దురాచారాలు మొదలయ్యాయి. చదువుపై ఆంక్షలు విధించబడ్డాయి. |
| కుటుంబం, బంధుత్వం | ఉమ్మడి, చిన్న కుటుంబాలు రెండూ ఉండేవి. పితృస్వామ్యం మితంగా ఉండేది. | పితృస్వామ్యం బలపడింది. పెద్దకొడుకుకే ఆస్తిహక్కులు లభించే ప్రథమ వారసత్వ విధానం (ప్రైమోజెనిచర్ విధానం) అమలులోకి వచ్చింది |
| రాజ్యాధికారం, యజ్ఞాలు | రాజన్ సభ, సమితుల సాయంతో పాలన సాగించేవారు. | రాజ్యాధికారం వారసత్వంగా మారింది. రాజులు అశ్వమేధ, రాజసూయ వంటి యజ్ఞ యాగాది క్రతువులను నిర్వహించేవారు. |
| గోత్రం, ఆశ్రమ వ్యవస్థ | తొలివేద కాలంలో ఇలాంటివి ఉన్నట్లు ఎటువంటి ఆధారాలు లేవు. | గోత్రం, చతురాశ్రమ ధర్మాలు (బ్రహ్మచర్యం, గృహస్థం మొదలైనవి) సమాజంలో భాగమయ్యాయి. |
| మత పరిస్థితులు | ఇంద్ర, అగ్ని, వరుణుడు వంటి ప్రకృతి దేవతలను సులభమైన రీతిలో పూజించేవారు. | మలివేద కాలంలో యజ్ఞయాగాలు, క్రతువులు, అధిక వ్యయ ప్రయాసలు పెరిగి ప్రజల్లో అసంతృప్తి పెరిగింది. ప్రజాపతి, విష్ణు, రుద్రుని వంటి దేవతలకు ప్రాధాన్యత పెరిగింది. బ్రాహ్మణులు ప్రధాన పూజారులయ్యారు. |
ఆర్థిక వ్యవస్థలో మార్పులు:
| విషయం |
తొలివేద కాలం (ఋగ్వేద కాలం) |
మలివేద కాలం |
| వ్యవసాయ అభివృద్ధి |
పశుపోషణ (గోపాలన) ప్రధానమైనది. వ్యవసాయం అంత ప్రాధాన్యత ఉండేది కాదు. |
ఇనుము పనిముట్ల ఆవిష్కరణతో గంగా-యమునా ప్రాంతంలో వ్యవసాయానికి ప్రాధాన్యత పెరిగింది. |
| భూమి యాజమాన్యం | భూమి సమూహ యాజమాన్యంలో ఉండేది. ఈ కాలం నాటి ఆర్యుల ఆర్ధిక అంతస్థును నిర్ణయించేవి వాళ్ళ వద్దనున్న పశువుల సంఖ్య గా చెప్పవచ్చు. | ప్రైవేట్ భూములు వచ్చాయి. బ్రాహ్మణులు, అధికారులకు రాజులు భూములు దానధర్మాలు చేసేవారు. |
| వాణిజ్యం | వాణిజ్యానికి ప్రాముఖ్యత తక్కువగా ఉండేది. వస్తు మార్పిడి విధానాన్ని ఉపయోగించేవారు. | నిష్క, శతమాన అనే నాణేల వాడకం మొదలయింది. పట్టణీకరణ వల్ల వ్యాపారం పెరిగింది. |
| వృత్తులు | వృత్తులు వర్ణాలపై ఆధారపడేవి కావు. ఎవరికైనా వృత్తి మార్పు సాధ్యమయ్యేది | వృత్తుల ఆధారంగా వర్ణ వ్యవస్థ ఏర్పడింది. వాణిజ్య శ్రేణులు (గిల్డ్స్) ఏర్పడ్డాయి. వృత్తులు వారసత్వంగా మారాయి. |
| పన్నులు | ప్రజలు రాజుకి స్వచ్ఛందంగా పన్ను (బలి) చెల్లించేవారు. | రాజులు ప్రజలపై పలు పన్నుల్ని విధించటం ప్రారంభించారు. ఇది ఒక వ్యవస్థగా మారింది. |
ముగింపు:
మలి వేద కాలంలో వ్యవసాయ ఆధారిత, కఠిన వర్ణ వ్యవస్థతో కూడిన సమాజం ఏర్పడింది. అత్రంజిఖేరా వంటి గ్రామాలు, కురు మరియు పాంచాల వంటి ఆకాలం నాటి ప్రాంతాలలో ఈ మార్పు సుష్పష్టంగా కనిపిస్తుంది. ఇవే తరువాతి కాలంలో కోసల, మగధ వంటి శక్తివంతమైన మహాజనపదాలకు పునాది వేసాయి.